Hýbeı provınsıasynyń turǵyny qurylys jumystary kezinde qulap, onyń mıyna bes santımetr tereńdikke deıin shege kirip ketken. Bul týraly Qamshy AA habarlaıdy  China News Service agenttiginiń málimetine súıenip.

Oqıǵa 12 sáýir kúni Ichan qalalyq okrýginde bolǵan. Alǵashqyda er adam jergilikti aýrýhanaǵa jetkizilip, artynsha Ichan qalasyndaǵy mamandardyń qaraýyna jiberilgen.

Aýrýhanadaǵy neırohırýrgıalyq bólimniń meńgerýshisi Chjao Dýngannyń aıtýynsha uzyndyǵy 8 sm bolatyn shege emdelýshiniń mıynyń 5 sm bóligine deıin enip ketipti. Zardap shegýshi aýrýhanaǵa jetkizilgen kezde ol komada bolǵan.

Biraq, shege mıdaǵy mańyzdy tamyrlardy zaqymdamaǵandyqtan ony alyp shyǵý múmkin bolǵan. Prosedýranyń qıyn bolǵany sonshalyq dárigerler shegeni súıek bóligimen birge sýyryp alýǵa májbúr bolady. Bul birinshi kezekte emdelýshiniń qaýipsizdigi úshin jasalǵan. Osylaısha eki saǵatqa sozylǵan operasıa sátti ótedi.

Qazirgi tańda er adam aýrýhanada em qabyldap jatyr. Jaǵdaıǵa ne sebep bolǵany naqtylap anyqtalý ústinde.