Basqarmadaǵylar Qazaqstan musylmandary dinı basqarmasynyń osyǵan deıin birneshe ret dinı kıim máselesinde óziniń resmı ustanymyn jarıalaǵanyn aıtyp otyr, dep habarlaıdy Qamshy AA tengrinews.kz-ke silteme jasap.

«Qazaqstan musylmandary dinı basqarmasy elimizdegi musylman qyz-kelinshekter men áıelderdi kıim kıý úlgisinde sharıǵat talaptaryn saqtaı otyryp, qazaq halqynyń salt-dástúrlerin eskerip, jınaqy kıinýge keńes beredi. Kózge ersi kórinetin, dene bitimin aıqyndaıtyn, qara tústi kıim-keshekterdi paıdalanbaǵan durys. Al paranja (nıqab) men qara kıim kıý - saltymyzǵa qaıshy, bul ata-babalarymyzdyń joly emes», - delingen málimdemede.

Islam dininde saqal qoıýdyń da ózindik ádebi men mádenıeti bar ekenin aıtqan Dinı basqarma ókilderi musylman jamaǵatyn saqal qoıýda onyń jarasymyna asa mán berýge shaqyrdy. Aıta keteıik, keshe, 19 sáýirde Astanada ótken İİ respýblıkalyq ımamdar forýmynda QMDB-nyń "Hanafı mázhaby men Matýrıdı senim mektebi - Qazaqstandaǵy Islamnyń dástúrli joly" atty ustanymy jarıalanǵan edi.

«Osy qujatta atap kórsetilgendeı, elimizdegi barsha musylman qaýymyn tól mázhabymyz - Ábý Hanıfa mázhabyn ustanýǵa shaqyramyz. Bir mázhab bizdi birlikke, yntymaqqa úndep, dinı alaýyzdyqtan saq bolýǵa shaqyrady», - dedi QMDB ókilderi.

Aıta keteıik, keshe, 19 sáýirde Nursultan Nazarbaev Qazaqstan musylmandary dinı basqarmasy ókilderimen kezdesýinde qysqa balaq pen uzyn saqaldyń bizdiń dástúrge saı kelmeıtinin aıtyp, mundaıǵa zań júzinde tyıym salýdy usynǵaen edi. 

«Dinı saýatsyzdyǵynyń nátıjesinde jastarymyz saqal qoıyp, shalbarynyń balaqtaryn qysqartyp tastaıdy. Qara kóılek kıip, beti-aýzyn tumshalaǵan qyzdarymyzdyń qatary kóbeıdi. Bul bizdiń dástúrimizge de, halqymyzǵa da jat. Buǵan zańnamalyq deńgeıde tyıym salý máselesin pysyqtaý kerek. Qazaq qara kıimdi qaraly kezde ǵana kıedi», - degen edi Memleket basshysy.