«Ksell» kompanıasy «Bilim – barlyǵy úshin» strategıasy sheńberinde tegin mobıldi qosymshany qurýǵa qoldaý bildirdi. Bul qosymsha qazaq halqynyń mádenı mán mátinine  ene otyryp, qazaq tilin meńgerýge nıet bildirgender úshin asa paıdaly bolmaq dep habarlaıdy Qamshy AA.

 
«Sıtýatıvnyı kazahskıı» qosymshasy – Qanat Tasybekovtiń osy attas kitabynyń birinshi tomynyń resmı elektrondy nusqasy. Qosymsha IOS jáne Android qoldaýy bar smartfondar úshin qoljetimdi, yńǵaıly ınterfeısi bar, al eń bastysy – árqashan qol astynda. 
 
Onda qazaq tilindegi frazeologızmderdi, qalyptasqan sóz tirkesteri jáne sóz túrlerin ahýaldyq, mánmátindik durys qoldanýdyń basty belgileri ashylǵan. Qosymshanyń mátindik kontenti aýdıo-faıldary bar ılústrasıalarmen bekitilgen.