Oqıǵa jelisi qıyn jaǵdaıda jalǵyz qalǵan áıelderdiń taǵdyry jaıynda baıandaıdy. Sońǵy kezde sharasyz kúıge túsken qyz-kelinshekterden qoǵam da, tipti jaqyndary da teris aınalyp jatatyny belgili. Olar bararǵa jer tappaı, túrli jaǵdaılarǵa ushyrap, aýyr azaptarymen oqshaý qalady.
Bul áleýmettik drama túrli sebeptermen dúnıege nekesiz sábı ákelgen áıelderge qatysty jaǵymsyz stereotıpterdi buzyp, sábılerdi jetimdikten qutqarýdy, rýhanı jáne otbasylyq qundylyqtardy qaıta jańǵyrtýdy maqsat etedi.
Telehıkaıada ata-ana men balanyń qarym-qatynasy, turmystaǵy zorlyq-zombylyq, tálim-tárbıeniń áseri, adamgershilik pen jaýapkershilik syndy ótkir áleýmettik máseleler qozǵalady. Oqıǵalar men keıipkerlerdiń obrazdary shynaıy ómirden alynǵan.
«Qazaqstan» Ulttyq telearnasy áleýmettik taqyryptar men qoǵamdaǵy máselelerdi kórsetýdi jalǵastyra otyryp, kórermendi beıjaı qaldyrmaıtyn, 16 bólimnen turatyn «Anashym, meni qaldyrma...» dramasyn usynady.
Týyndyny 22 sáýirden bastap senbi, jeksenbi kúnderi 15:10-da kóre alasyzdar.
