Melomen tobynyń quramynda, sondaı-aq jeke án shyrqap júrgen tanymal ánshi Jiger Aýypbaev Massaget.kz portalynyń «Aına» atty jobasynda jan syrymen bólisti. Eldiń súıiktisi bolǵan Jiger ómirindegi eń úlken synaqty bala kúninde ótkerip úlgergen. Bul jaıynda esine túsirgisi kelmese de, qoıylǵan suraqqa jaýap berýge májbúr bolǵan ánshi kishkentaı kezin aıtyp otyryp, kózine eriksiz jas aldy.

Tilshiniń «bala kezińizde uıyqtar aldynda ne oılaıtyn edińiz?» degen suraǵyna Jiger Aýypbaev ómirindegi eń qıyn kezderdi eriksiz eske aldy.

«Rasyn aıtaıyn, otbasym úlken qıyndyqtardy bastan keshti. Bala kezimde qatty naýqastanyp, ota jasatqanmyn. Ólim aýzynan qaldym dese de bolady. Men aýrýhanada jatqan kezde, ata-anam meniń dári-dármekterim úshin úıdi satyp jibergen. Men ol jaıynda bilmedim. Aýrýhanadan shyqsam, bizdiń úıimiz joq. Jıhazdardyń bárin ájemizdiń úıine aparyp tastaǵan. Sol kezde ata-anamnyń úıimizdi satqanyna men ózimdi kináladym. Kúni-túni jylaıtynmyn. Ýaıymdaǵannan uıyqtaı almaǵan kezderim de boldy.

Túnde oıanyp alyp Allaǵa jalbarynatynmyn, ata-anama úı alyp bershi dep...».

Bala kúngi esteligin tolqynyspen aıtqan ánshiniń aýyr sezimi ár tyńdaýshynyń júregine mindetti túrde jeteri anyq. Budan bólek, óziniń tolǵanystarymen, oılarymen bólisti. Máselen:

Ánshiniń sanasyn selt etkizer keńes bergen adam – ata-anasy. Úlken keńesi – «saǵyń synbasyn». Óner jolynda talaı kedergilerge kezikken ánshi ata-anasynyń sózin árdaıym jadynda ustaǵan. Júregi qashan da jaqsylyqtan úmit kútip júredi.

Án – Jiger Aýypbaevtyń boıyndaǵy qýanyshy da, muńy da, ómiri.

Ánshi úshin uly mýzykant – kishkentaı ǵana náreste, sebebi, ol sekildi eshkim án sala almaıdy.

Árdaıym tolǵanysta júretin jan syrlaryn eshkimge tis jaryp aıtqan emes, bári úıinde turǵan kúndeliktiń paraqtarynda jazýly.