Parıjdiń Elıseı alańyndaǵy býlvarda shabýyl bolyp, saldarynan bir polıseı qaza taýyp, ekeýi jaralanǵan.
Fransıa bıligi Parıjde bolǵan atys boıynsha jaǵdaıdy anyqtap jatyr, dep habarlaıdy TASS.
Jergilikti BAQ-tyń habarlaýynsha, Fransıanyń premer-mınıstri Bernar Kaznev Parıjdiń ortalyǵyndaǵy Elıseı alańynda polısıa qyzmetkeriniń óltirilýine baılanysty respýblıka prezıdenti Fransýa Ollanmen keńesý úshin jedel túrde Elıseı saraıyna keldi.
Fransıa astanasynyń ortalyǵynda bolǵan oqıǵa jergilikti ýaqyt boıynsha saǵat 21-00-de bastalǵan. Belgisiz bireýlermen bolǵan atys barysynda bir polısıa qyzmetkeri mert bolǵan, taǵy ekeýi jaraqat aldy, olardyń biriniń jaǵdaı qazir óte múshkil. Qolda bar málimetterge qaraǵanda, oq atqan adam oqıǵa ornynda óltirilgen, alaıda polısıa qyzmetkerleri onyń sybaılasy bolýy múmkindigin de joqqa shyǵarmaı otyr. Ol oqıǵa bolǵan jerdegi kólik turaqtarynyń birinde boı tasalap júrýi múmkin.
Elıseı alańy - respýblıka prezıdentiniń jumys rezıdensıasy - Elıseı saraıyna jaqyn mańda, qalanyń batys bóliginde ornalasqan, Parıjdiń iri dańǵyldarynyń biri. Qazirgi tańda avenú tolyǵymen qorshaýǵa alynǵan. Dúkender men meıramhanalardyń barlyǵy jabyldy. Metro stansıalary baqylaýǵa alyndy.
Bolǵan oqıǵany eskergen QR Mádenıet jáne sport mınıstrliginiń Týrızm ındýstrıasy komıteti Fransıanyń atalmysh qalasynda júrgen qazaqstandyq týrıserdi qaýipsizdik sharalaryn saqtaýǵa shaqyrdy, dep habarlaıdy QazAqparat.
«QR Mádenımet jáne sport mınıstrligi Týrızm ındýstrıasy komıteti Parıjdegi qazaqstandyq týrıserge oqıǵa bolǵan orynnan, sondaı-aq adam kóp shoǵyrlanatyn jerlerden alys júrýge, polıseılerdiń nusqaýlyqtaryn oryndaýǵa keńes beredi. Fransıaǵa saparlar uıymdastyratyn týroperatorlarǵa bolýy múmkin qaýipter men qaýipsizdik talaptary týraly klıentterdi aldyn ala eskertý usynylady», - delingen taratylǵan habarlamada.
