Qazaqstannyń ulttyq qaýipsizdik komıteti ishki ister organdarymen birge arnaıy operasıa júrgizip, Aqtóbe jáne Ońtústik Qazaqstan oblystarynda terorızmdi nasıhattaǵan jáne dinı arazdyq týǵyzǵan degen kúdikpen 11 adamdy ustady. Bul týraly komıtettiń saıtynda habarlandy dep jazady Qamshy aqparattyq agenttigi.
"2017 jylǵy 20 sáýirde Ulttyq qaýipsizdik komıteti Ońtústik Qazaqstan jáne Aqtóbe oblystarynda İshki ister organdaryn tarta otyryp arnaıy operasıalar júrgizdi.
Qazaqstanda tyıym salynǵan «DAISH» halyqaralyq terorıstik uıymyn qoldaýǵa shaqyrǵany jáne olarǵa qatysty materıaldardy taratqany úshin 4 radıkaldy toptyń is-áreketi beıtaraptandyryldy.
Terrorrızmdi nasıhattaý jáne dinı alaýyzdyq týdyrý faktisi boıynsha sotqa deıingi tergeý amaldary sheńberinde 11 adam ustaldy.
Olardyń turǵylyqty jerleri boıynsha tintý, kýálardan jaýap alý jáne basqa da tergeý amaldary júrgizilip jatyr.", - delingen UQK saıtyndaǵy málimdemede.
