«Islam memleketi» ekstremıstik toby Parıj ortalyǵyndaǵy Elıseı alańynda bolǵan atysta bir polıseıdi óltirip, eki adamdy jaralaǵan lańkes «óz jaýyngerleriniń» biri ekenin málimdedi, dep jazady Qamshy aqparattyq agenttigi.

Bbc.com jańalyqtar qyzmetiniń málimetinshe, Parıj prokýrory Fransýa Molen shabýyl jasaýshynyń tulǵasy anyqtalǵanyn, biraq onyń sybaılastarynyń bar-joǵy belgili bolmaıynsha, esimi jarıalanbaıtynyn aıtty. Onyń Parıj shyǵysyndaǵy úıinde tintý jumystary júrip jatyr.

«Islam memleketi» ekstremıstik tobynyń atynan jarıalanǵan málimdemede Elıseı alańyndaǵy qarýly shabýyldy belgıalyq Ábý Iýseftiń jasaǵany aıtylǵan.

 Fransıalyq BFMTV telearnasynyń habarlaýynsha, shabýyl jasaǵan er adam - 39 jastaǵy Fransıa azamaty. Ol fransýzdyq arnaıy qyzmetterge jaqsy tanys jáne ol polıseılerdi óltirgisi keletin pıǵyly týraly Telegram messendjerinde talqylap kelgen.

Fransııa prezıdenti Fransýa Olland Elıseı alańyndaǵy shabýyldy terrakt dep atady.