27 sáýir saǵ. 19:00-de Almaty qalasy Mádenıet jáne arhıvter basqarmasynyń qoldaýymen «Alataý» dástúrli óner teatrynda aqyn, QR Mádenıet qaıratkeri Serik Qalıevtiń «Jasynnyń oty janymda» atty shyǵarmashylyq keshi ótedi dep habarlaıdy Qamshy aqparattyq agenttigi.
Qalıev Serik Akramuly 1972 jyly Shyǵys Qazaqstan oblysy, Tarbaǵataı aýdanynda dúnıege kelgen. Ál-Farabı atyndaǵy qazaq ulttyq ýnıversıtetiniń fılologıa fakúltetin, magıstratýrasyn támamdaǵan. Qazaqstan Jazýshylar odaǵynyń, Aıtys aqyndary men jyrshy-termeshilerdiń Halyqaralyq odaǵynyń múshesi. Respýblıkalyq aqyndar aıtysynyń júldegeri. «Tolqynnan tolqyn týady», «Jas aqyndar antologıasy» jyr jınaqtary men «Jyr marjan» atty 10 tomdyq pozıa antologıasyna toptama óleńderi engen. «Kózaıym» (2007), «Ýaqyt kerýeni» (Atamura ,2012) óleń kitaptarynyń avtory. Elýge tarta tanymal ánderdiń óleńderin jazǵan.
Ál-Farabı atyndaǵy Qazaq ulttyq ýnıversıtetiniń Stýdentter klýbynyń dırektory, Qazaq radıosynda bólim bastyǵy, «Atamura» korporasıasynda aǵa redaktor, Qazaq memlekettik qyzdar pedagogıkalyq ýnıversıteti «Qyzdar ýnıversıteti» baspasynyń dırektory qyzmetterin atqarǵan. 2010 jyly QR Mádenıet qaıratkeri tósbelgisimen marapattalǵan.
Kesh qonaqtary: Toqtar men Beıbit, Meırambek Besbaev, Erkin Shúkimanov, Rınat Zaıtov, Altynaı Jorabaeva, Gúlbarshyn Tergeýbekova, Ǵanı Mátebaev, Muratbek Sarbasov, Qanat Úmbetov jáne halyqqa tanymal aıtys aqyndary men estrada juldyzdary.