Almaty oblysyndaǵy qulaǵan ushaqtyń ushqyshtar esimi belgili boldy.  Qulaýynyń negizgi sebepteri áli anyqtalmaǵan apat Kóksý aýdany aýmaǵynda bolǵan.  Oqý-jattyǵý kezinde ushaqta bolǵan ekıpaj músheleri Taldyqorǵan áskerı bazasynyń komandıri Erlan Naýanov pen podpolkovnık Denıs Gorbýnov. Olar mingen SÝ-27 áskerı ushaǵymen 23 qyrkúıek,  keshki saǵat 8-den 42 mınýt ketkende baılanys úzilgen. Tek birneshe saǵattardan keıin ǵana Kóksý aýdanynyń Jańalyq aýylyna jaqyn mańnan ushaq qulaǵan jer tabylypty. Kóksý aýdanynyń qumdy-qyratty jerine qulaǵan ushaq naqtylanbaǵan derekterge qaraǵanda, jerge 15 metr tereńdikke deıin kirip ketken. Óıtkeni, onyń jyldamdyǵy saǵatyna 1000-nan 2500 kılometrge deıin jete alady. Sondyqtan, qulaǵan jeri qazanshuńqyr bolyp oıylyp ketken.

31 arna jańalyqtary kórsetiliminde kýágerler ushaqtyń áýede janyp ketkenin aıtqan. Ushqysh,  podpolkovnık Erlan Naýanov Túrkıa respýblıkasyndaǵy NATO-nyń áýe qorǵanys bazasynda joǵary bilim alǵan. Ol bıyl, 7 mamyrda  Astanada ótken Otan qorǵaýshylar kúngi sherýdi Erlan Naýanov shákirtterimen birge óte kúrdeli, sekýndtyń júzden bir bóligindeı dáldiktermen iske asatyn Nesterov ilmegin jasaýmen aıaqtaǵan edi.  Biraq, arada 4 aı ótkende Erlan Naýanov pen Denıs Gorbýnov mingen ushaq jattyǵý kezinde apatqa ushyrady. Ekıpajdy izdestirýge búgin 4 tikushaq pen 10 izdeý toby jumyldyrylǵan. Ázirge eki ushqysh týraly esh málimet joq.

Qamshy-aqparat