Ókinish pen arman týraly bir oı...

    Zhazira Baidaly
    Ókinish pen arman týraly bir oı...

    Bizdiń qazaqtyń din jolyna, Alla jolyna túskenderi aýyzdarynan Allany tastamaı, bes ýaqyt namazdaryn qaza etpeı, kúndiz-túni deýge bolady, bir Jaratqannyń tileýin tileıtini ras bolar. Áıtpese, Allany aýyzǵa alyp keregi ne?

    Al, kezinde qyzyl ıdeologıanyń tárbıesin kórgen, shynyn aıtqanda ateıs bolyp qalyptasqan men bolsam, bir Jaratýshynyń bar ekenine senemin de, negizinen QAZAQ degen ultyma aıryqsha kóńil bólýge, Qazaqqa qaltqysyz qyzmet etýge,  ultymnyń bary men joǵyn túgendeýge, ultymnyń qandaı da bir muńy men qýanyshyn bólisýge tyrysyp kele jatqan bir janmyn. Bul meniń oıdan shyǵarǵan nemese kólgirsigen jaramsaq jaǵympazdyǵymnan emes, shyn kóńilimnen, taza nıetimnen týǵan, esh búkpesiz oıym desem de bolady. Buny kózi qaraqty jandar meniń kúndelikti jazǵandarymnan, negizinen ǵalamtorda jarıalaǵandarymnan oqyp,  kórip júrgen bolar...

    Myna meniń qaraqan basymda «qaıran, jastyq shaqtyń» barlyǵy derlik yrdý-dyrdýmen, qur bos jelókpe dańǵazamen, nátıjesiz ala shapqynmen ótkenin jasyrmaımyn. Qaı pende de jas kezinde tek óziniń jeke basynyń qamyn ǵana kúıtteıdi eken. Jas kelip, aqyl toqtatqan shaǵyńda múldem basqa aǵynǵa túsedi ekensiń. Qansha ókingenińmen endi paıdasy shamaly sol bir tym alańsyz, ashyp aıtqanda, oısyz kúnderińe endi eshteńe isteı almaıtynyń aıdaı aqıqat ekenin tula boıyńmen sezingende «aH!» urǵanda esh nárseniń qalpyna kelmeıtini ras qoı. Tek, erteńińe Úmit artýmen ǵana shekteledi ekesiń.

    Bul álsizdik pe, joq, aqyl toqtatqandyq pa, ol jaǵyn tap basyp aıta almaımyn.

    Bul Jalǵanda ómir keshken kez kelgen pende de ókinish pen jetpegen arman jeterlik qoı. Tipti, taý-taý altynnyń, altyn taqtyń ústinde otyrǵan sorly pende de ózinshe arman ókinish bolady eken...

    Sonda ne isteý kerek? Ol jaǵyn da dóp basyp aıta almaımyn. Aıtatynym, ár adam, eń aldymen, ózine myqty bolý kerek, anyǵyraq aıtqanda ózine qatal jaýapkershilikpen qaraý kerek sıaqty. Sonda ǵana orynsyz qatty ókinbeısiń. Árıne, bulaı dep aıtý ońaı. Biraq, bir nárse aqıqat, ol qansha jerde attan salyp aıǵaılaǵanyńmen qaıtyp ornyna kelmeıtin orny tolmas ókinish pen qol jetpegen asyl arman der edim...

    Jumash Kenebaı

     

    Qatysty Maqalalar

    Qazaq qoǵamynyń mamyr prızmasy

    Qazaq qoǵamynyń mamyr prızmasy

    10:53, 28 mamyr 2020