Kezekshi top Audi kóligin Almaty-Bishkek tas jolynda júrgizýshiniń qujattaryn tekserý úshin toqtatqan. Kólikte júrgizýshiden bólek er adam jáne onyń 5-shi synypta oqıtyn qyzy bolǵan dep habarlaıdy Qamshy aqparattyq agenttigi patrul.kz-ke silteme jasap.
Qujat tekserý barysynda kúdiktenetindeı eshteńe bolmaǵan. Alaıda qyzmettik ıt esirtkiniń ıisin sezgenin bildirdi. Kezekshi top kóliktiń júk salǵyshynan sómkeni kóredi. Onda jasyl tústi ósimdikti tapqan. Ósimdik saraptamaǵa jiberilip, esirtki ekeni anyqtalǵan.
Tekserý jumystary júrgizilip jatqanda kúdiktiniń qyzy shoshynyp qalǵan. Tártip saqshylary ony anasy kelgenshe óz patronattaryna ornalastyrdy. Qyzdyń anasyna bolǵan jaǵdaı týraly telefon arqyly eskertilgen.
Barlyq is Jambyldyń İİD jiberildi. Ustalǵan er adamnyń kinási dáleldense 15 jylǵa bas bostandyǵynan aıyrylýy múmkin.
Almaty-Bishkek tas jolynda esirtkini tárkileý boıynsha 9 is tirkelgen. Osy ýaqytqa deıin 41 keli marıhýana men 992 gram geroın tárkilengen.