Bútin eldi alańdatqan Kalachıdegi  "uıqy aýrýy" taǵy dendedi. Bul týraly óńirdegi "QazAqparat" tilshisine Esil aýdandyq aýrýhananyń dárigerleri málim etken. Aýdandyq aýrýhana dárigeriniń sózine qaraǵanda, bul joly aýyryp túsken aǵaıyndy 2 jáne 10 jasar eki balanyń birinen "uıqy aýrýynyń" belgisi tabylypty.  Qazirgi kezde, "uıqy aýrýyna" shaldyqqan 2 jastaǵy búldirshinniń jaǵdaıy jaman emes kórinedi. Dárigerlerdiń baqylaýyna alynyp, tıisti em-dom qabyldaýda eken.

Eske salsaq, osydan týra bir jarym jyl buryn Aqmola oblysy Esil aýdanyndaǵy Kalachı aýylynda turǵyndardyń uıqy aýrýyna shaldyqqany jóninde alǵashqy aqparat taraǵan bolatyn. Búgingi kúni osy aýrýǵa shaldyqqandardyń sany 45-ke jetken. Dál qazir olardyń qandaı aýrýmen aýyratynyn jáne oǵan ne sebep bolyp otyrǵanyn medısına anyqtaı almaı otyr.

Qamshy-aqparat