Ǵalamtorda RF basshysy Pýtın myrza jaıly sumdyq múltfılm paıda boldy dep habarlaıdy Qamshy aqparattyq agenttigi. Sońǵy kezde kórshi memlekettegi jaǵdaı, áleýmettik, psıhologıalyq aýa-raıy jaqsy emes ekendigin bilemiz. Reseılikterdiń arasynda Pýtınniń taqta otyrýyna narazylyq tanytyp júrgender barshylyq. Jaqynda ǵana «Nadoel» degen aksıanyń uıymdastyrylýy da sonyń aıǵaǵy.

Alǵashynda feısbýkte taralǵan myna vıdeo búginde búkil ǵalamtorǵa taralyp úlgerdi. Bizdegi bar aqparat boıynsha ony birneshe kúnniń ishinde 152 000 kórip úlgergen. Eresekterge arnalǵan múltfılmniń negizgi keıipkerleri RF prezıdenti Vladımır Pýtın men áıel obrazyndaǵy Reseı memleketi. «Úlken jáne kishkentaı» dep atalatyn bul vıdeo 1999 jyly bılik basyna kelgen Pýtındi synaýdy maqsat tutqan. Vıdeo avtorlary Pýtındi halyqtyń qanaýshysy, Reseıdi zorlaýshy azamat retinde kórsetken. Seksýaldy harakterdegi atalmysh dúnıe adamdy jıirkendirmeı qoımaıdy, aıtpaǵymyz, ıdeıa avtory aldaryna qoıǵan maqsatqa jetken. Múltfılmdi kórgender Pýtındi jaqtaýshylar men synaýshylar bolyp qaq bólindi. Astyndaǵy pikirlerdi oqı otyryp, kórshilerimizdiń bir ózgeris qalap júrgenderin baıqaýǵa bolady.