Tolastamaı jaýǵan jańbyrdyń saldarynan Qyrǵaýyldy ózeniniń sýy ańǵarynan asyp, saıajaı úılerin sý basty. Bul týraly Tengrinews.kz tilshisine Almaty oblystyq TJD ókili Azamat Jurtbaev habarlady.

Oblystyq TJD málimetinshe, qubyr ótkizgishteri qoqyspen bitelip qalǵan, saldarynan ózenniń keı tustarynda sý deńgeıi kóterilgen. Qarasaı aýdanynda, Raıymdek aýylynda, "Aqsaı-19", "Torpeda", "Trýd" saıajaı qonystaryn sý basqan. 

Sondaı-aq, Almaty-Jandosov tasjolyn sý aldy (23-shi shaqyrym). Oblystyq TJD ókilderiniń aıtýynsha, qazirgi tańda sý alǵan eldi mekenderge joldar jabyq, al tasjoldar ashyq tur. 

"Qazirgi tańda 151 saıajaı ýchaskesin sý aldy. Eki adam evakýasıalandy. Tazalaý, jaǵalaýdy nyǵaıtý jáne Qarǵaly ózeniniń ańǵaryn tereńdetý jumystary júrgizilip jatyr, Almaty-Jandosov tasjolyndaǵy kópir tazartyldy. Adamdardy evakýasıalaýǵa 50 oryndyq mektep pen eki avtobýs daıyndaldy", - dedi Jurtbaev. 

Sonymen qatar, redaksıaǵa kelip túsken málimetter boıynsha, Almatynyń Alataý aýdanyndaǵy, Rysqulov dańǵylynyń tómen jaǵynda birneshe úıdi sý basqan.
 

,