Sapaly jazylǵan zańdar elimizdiń turaqty damýyna jol ashady, bul másele kásipkerler úshin mańyzdy
«Elbasy tapsyrmasymen Salyq kodeksine ózgertýler engizý jaıy talqylanyp jatyr. QR Premer-Mınıstri QR Ulttyq ekonomıka men Qarjy mınıstrlikterine bul máseleni «Atamekenmen» birlesip sheshýdi tapsyrdy. Talqylaýǵa depýtattardyń belsendi qatysqanyn qalaımyz. Eger depýtattar tarapynan zańnama turǵysynda qandaı da bir usynystar, eskertpeler men tolyqtyrýlar aıtylsa, olardy birden eskerýimiz kerek. Osylaısha, zańdardy qarastyrý kezeńinen-aq olardyń sapasy artady. Al sapaly jazylǵan zańdar elimizdiń turaqty damýyna jol ashady, bul másele kásipkerler úshin mańyzdy», – dep, oıyn bildirdi «Atameken» Ulttyq kásipkerler palatasy Tóralqa Tóraǵasy Tımýr Qulybaev.
«Atameken» basshysy ınvestısıalyq úderisti de sóz etti. Bul salada da zańnamanyń mańyzy aıtyldy. «Salyq», «Ekologıalyq», «Keden» kodeksteri qalaı jumys isteıtinin túsinbeı, ınvestısıalyq úderisti de boljaý qıyn», – dedi Tóralqa Tóraǵasy.
Sonymen qatar, Tımýr Qulybaev QR Ákimshilik quqyq buzýshylyq týraly kodeksine sońǵy úsh jylda – 500 ózgertý, QR Salyq kodeksine sońǵy 9 jylda – 2500 ózgertý, Ekologıalyq kodeksine 500 ózgertý engizilgenin aıtty.
«Mine, osyndaı zańdyq turaqsyzdyqta uzaq merzimdi ınvestısıalardy josparlaý múmkin emes ekeni aıtpasa da túsinikti. Kez kelgen ınvestısıa keleshekke baǵdar jasaýdan bastalady: erteń qandaı ekonomıkalyq ahýal bolatyny mańyzdy. Sondyqtan, bul baǵytta úkimettiń jaqsy ekonomıkalyq baǵdary kerek. Úkimettik baǵdar bizge búdjettik, tarıftik, salyqtyq saıasattyń uzaqmerzimdi kórinisin anyqtaý úshin kerek. Osy rette Ulttyq bank bizge nesıelik-qarjylyq saıasaty boıynsha baǵdaryn berýi shart», – dedi «Atameken» UKP Tóralqa Tóraǵasy Tımýr Qulybaev.
