Senat depýtaty Serik Aqylbaı jol qozǵalysyn retteýshilerdiń qımyldaryn túsiniksiz dep tanyp, İİM basshysy Qalmuhanbet Qasymovqa jol polıseılerine taıaqtaryn qaıtarý jóninde usynys aıtty, dep habarlaıdy Qamshy aqparattyq agenttigi zakon.kz portalyna silteme jasap.

Mınıstr qazaqstandyqtardyń áli de jol retteýshilerdiń ymdaryna úırene almaı júrgendigin aıtty.  

«Meniń oıymsha, adamdar qolmen jónge salyp turǵan kóz shaǵylystyratyn kıimdegi polıseı qyzmetkerlerine áli de úırenisip ketedi» dep jaýap berdi mınıstr Qasymov.

Óz aıtqanynan qaıtpaǵan senator Serik Aqylbaı İİM basshysyna kóz shaǵylystyratyn kıimniń ornyna qoldaryna taıaq ustatýdy usyndy.

«Ondaı kıimderdiń baǵasy qymbat shyǵar. Men ózim kólik júrgizemin. Keıde sol jol polıseıleriniń qımyldaryn túsinbeı qalamyn. Múmkin halyq úırengenshe polıseıler taıaqtarymen júre turar. Áleýmettik jelide osy másele boıynsha halyq shýlap jatyr» dedi ol.

«Bul máseleni qarastyramyz dep oılaımyn. Sheshim úkimet qaýlysy boıynsha qabyldanǵan. Ótken jyldyń 1 qańtarynda taıaqtardan bas tartý jóninde buıryqqa qol qoıǵanmyn» dep jaýap qatty Qalmuhanbet Qasymov.  

QR İshki ister mınıstriniń basshysy da jol polıseıleriniń taıaqtaryna qatysty pikirin aıtty.

QR İİM Polıseı ákimshiligi komıtetiniń tóraǵasy Igor Lepeha depýtattardyń usynysy qaralatynyn málimdedi.

«Taıaq ustaǵan jol polıseıiniń is-qımyldary anaǵurlym túsinikti ekenine kelisemin. 2014 jyly úkimet qaýlysymen bekitilgen bul máseleni qaıta kóteremiz» dedi QR İİM Polıseı ákimshiligi komıtetiniń jetekshisi senat úkimeti saǵatynda.

Sonymen qosa, júrgizýshini toqtatý úshin taıaqtardyń qajet emes ekenin de aıtyp qaldy.

«Erejede kórsetilgendeı, jol polıseıi júrgizýshini taıaq nemese qol qımyly arqyly, ne bolmasa ysqyryqpen toqtatý kerek. İs-qımyl sol kúıi qalady, sebebi   olar Jol qozǵalysy erejelerinde anyq kórsetilgen» dep naqtylady Lepeha.

Onyń sózderine qarasaq, taıaqtar qoldanystan alynbaıdy, tek ýaqytsha saqtaýǵa jiberildi.

«Bul másele boıynsha biz asyqpaımyz» dep qostady ol.