Anglıadaǵy Kıngston-apon-Hall qalasynyń turǵyny Lındsı Grant 8 jastaǵy qyzynyń konservidegi týnestiń kesirinen múgedek bolyp qalǵanyn aıtady. Úsh balaly ananyń pikirinshe, konservidegi týnesti jegennen keıin qyz ýlanyp, qusa bastaǵan, keıinnen júrýdi, tipti sóıleýdi qoıdy. «Bulaı bolýy múmkin emes» degen dárigerler bolǵan jaǵdaıǵa eshqandaı túsinik bere almaı otyr, dep jazady jergilikti BAQ.

3 jyl buryn Leksı orta qúlaǵynyń qabynýynan emdelip shyqqan.

Birde tań ata qyzdyń denesi álsizdenip qozǵala almaı, tipti sóıleı almaı qalady. Leksıdi dereý aýrýhanaǵa jetkizedi, 2 apta boıy dárigerler onyń jaǵdaıymen kúresti. Aqyry, eshteńe shyqpaǵan soń qoldaryn bir siltegen.

«Bolǵan jaǵdaıdyń sebebin anyqtaýǵa tyryspaǵan deıdi», - qyzdyń anasy Lındsı Grant. Onyń aıtýynsha, Leksı kúndelikti tańerteń konservilengen balyq etin jep júrgen, sonyń kesirinen osyndaı jaǵdaıǵa tap boldy. Balyqtyń quramynda ýly nárse bolǵan, alaıda dárigerler qyzdyń anasyna senbegen, sebebi osy ýaqytqa deıin bir balyqtyń kesirinen eshkim múgedek bolyp qalmaǵan.

Anasy Leksıdiń jarqyn júzdi búldirshin bolǵanyn aıtady. Án aıtqandy, bılegendi jaqsy kórgen. Ana júregi qyzdyń emdelip, óz qalpyna túsetinine senimdi, alaıda ol úshin dárigerlerdiń kómegi aýadaı qajet. Sol úshin Lındsı aýrýdyń saldary týnes bolǵanyn da dáleldegisi keledi. 

Sholýshy: Gúlim Jaqan