Eýrokomıssıanyń baıandamasyna sáıkes, EO-nyń 28 eliniń ekonomıkasyna jemqorlyqtan keletin shyǵyn 120 mlrd. eýro bolyp, birqatar problemalar týǵyzýda. Bul týraly, Keshe, Qazaqstannyń Azamattyq Alánsy uıymdastyrǵan dóńgelek ústelde sóz sóılegen «Nur Otan» partıasy Tóraǵasynyń birinshi orynbasary Baýyrjan Baıbek habarlady.
«Aqpanda jasalǵan Eýrokomıssıa baıandamasyna sáıkes, Eýroodaqtyń 28 eliniń jemqorlyqtan EO ekonomıkasyna keltiretin shyǵyny 120 mlrd eýro bolyp, Eýropadaǵy bıznestiń damýyna aıtarlyqtaı kedergi týǵyzýda», - dep atap ótti B.Baıbek. B.Baıbektiń aıtýyna qaraǵanda Keshegi tańdaǵy azamattyq qoǵamnyń da, bıznestiń de, partıa men memlekettiń de ortaq maqsaty – sybaılas jemqorlyqqa qarsy tıimdi áreket etý.
«Bizdiń Prezıdentimizdiń saıası jigeriniń arqasynda osy jyldardyń bárinde de sybaılas jemqorlyqqa qarsy is-qımyl jumysy júrgizilip, oń nátıjesin berip keledi. Sonymen birge alynǵan tájirıbe, jemqorlyq jaǵdaıy men paıda bolýy sebebin týǵyzatyn jemqorlyqqa qarsy júıeli áreket etýge kóshýdiń ýaqyty kelgenin kórsetip otyr», - dedi sóılegen sózinde Baýyrjan Baıbek.
Sondaı-aq Baýyrjan Baıbek, «Nur Otan» partıasynyń kóshbasshysy N.Á.Nazarbaevtyń XV Sıeze sóılegen sózinde, barlyq azamattyq qoǵamdy jumyldyrý jáne azamattardyń naqty problemalaryn sheship jatqan patrıottyq ÚEU múddesin kórsetý maqsatynda partıa men Azamattyq Alánstyń birige jumys jasaýynyń aıryqsha qajettiligin atap ótkenine erekshe toqtaldy.
«Bizdiń Memleket basshysynyń saıasatynyń arqasynda azamattyq belsendilik artyp keledi. Biz úshin azamattarymyzdyń qalaı ómir súrip jatqany mańyzdy. Biz azamattarymyzdyń ıdeıasy men pikirlerine, synyna shuǵyl nazar aýdarýǵa tyrysamyz»- dedi ol.
Keshe Astanada «Nur Otan» partıasynyń 2025 jylǵa deıingi Sybaılas jemqorlyqqa qarsy baǵdarlamasy jobasynyń Qazaqstannyń Azamattyq Alánsymen birigip ótkizgen dóńgelek ústelde talqylaý taqyrybyna aınalǵanyn aıta ketkimiz keledi. Qazaqstannyń Azamattyq Alánsy 500 –den astam úkimettik emes birlestikterdiń múddesin bildiretin elimizdegi iri qoǵamdyq uıym. Keshe bul uıym óziniń alańynda partıanyń jemqorlyqqa qarsy baǵdarlamasynyń jobasyna qoldaý bildirdi.
«Nur Otan» partıasy a.j. shildesinde 2015-2025 jyldarǵa arnalǵan Sybaılas jemqorlyqqa qarsy is-qımyl baǵdarlamasy jobasyn kópshiliktiń talqylaýyna usyndy. Atalǵan qujattyń jobasy 6 myńnan astam bastaýysh partıa uıymdarynyń, óńirlik Saıası keńesterdiń otyrystarynda qaraldy jáne talqylandy. Baǵdarlama jobasynda belgili táýelsiz sarapshylar, ÚEU, ǵylymı ortalardyń aqyl-keńesteri eskerildi. Tamyzda qujat «Qazaqstan-2050» Demokratıalyq kúshterdiń jalpyulttyq koalısıasynyń otyrysynda qaraldy. Bıznes-qaýymdastyq partıanyń sybaılas jemqorlyqqa qarsy baǵdarlamasyn Ulttyq kásipkerler palatasynyń alańynda talqylap, qujat jobasyn qoldady. Baǵdarlama jobasyna oraı partıa múshelerinen, sarapshylar qaýymdastyǵynan jáne ınternet-paıdalanýshylardan 900-ge jýyq usynystar men tolyqtyrýlar túsip, sonyń arqasynda bastapqydaǵy Baǵdarlama jobasy mátininiń 40 % - ózgeriske ushyrady.
Baǵdarlama jobasy taıaý ýaqytta ótkizilýi josparlanǵan «Nur Otan» partıasynyń Saıası keńesiniń otyrysynda qaralatyn bolady.
Qamshy-aqparat
