Bir otbasyny baǵyp-qaǵý úlken eńbekti talap etedi. Eresekterdiń ózi bul júkti arqalaýdan qashatyn kezeńde  kolýmbıalyq 11 jastaǵy bala bir otbasyny asyraý arqyly kópshilikke úlgi kórsetti, dep habarlaıdy Qamshy aqparattyq agenttigi.

Hýan Pablo esimdi 11 jastaǵy bala men úsh inisi óz ákeleri jaıly eshteńe bilmeıdi. Osy ýaqytqa deıin analarymen birge turyp kelgen. Alaıda bir kúni anasy úıden shyǵyp, sol kúıi oralmaǵan.

Anasynyń tastap ketkenine qaramastan 11 jastaǵy bala eresektershe úsh inisin asyrap otyrǵan.

 İnileri mektepke barýlaryn toqtatpaǵan. İnileri mektepke ketkende, aǵasy kóshege shyǵyp beıtanys adamdardan tamaq berýin ótinip, kóshe kezgen. Bastapqyda osylaı kún keship júrgenimen, kele-kele as qaldyqtaryn qoqys jáshikterinen izdeýge týra kelgen.

Kez kelgen eresek adamdy tańqaldyratyn bul balanyń isi maqtaýǵa turarlyq.

Jasóspirimderdiń  bulaı ómir súrip jatqandaryna qansha ýaqyt bolǵany belgisiz. Kórshileri túngi mezgilde jylaǵan balanyń daýysyn estip, polısıa shaqyrǵan.

Polısıa ofıserleri kelgende, óz kózderine ózderi senbegen. Barlyǵy óz ornynda. Úıdiń ishi taza bolǵan. Osy ýaqytqa deıin 11 jastaǵy bala otbasynyń berekesi úshin, baýyrlarynyń tamaq izdep kóshe kezbeýi úshin qolynan kelgenniń bárin jasaǵan.

Ata-analaryn taba almaǵandyqtan, memleket 4 balany óz qamqorlyǵyna alyp otyr.

Aldaǵy ýaqytta Hýan da basqa balalar sekildi qamsyz ómirdi keshedi degen úmittemiz. 

Daıyndaǵan : Aıgerim TAÝBAI