Qyrǵyzstan prezıdenti Atambaevtyń jańa klıpi shyqty dep habarlaıdy Qamshy aqparattyq agenttigi centralasian.org taratqan aqparatqa súıenip.

YouTube'te 20 mamyrda Qyrǵyzstan prezıdenti Almazbek Atambaevtyń ánine túsirilgen altynshy klıp jarıalandy. Prezıdent jańa ánin anasyna arnaǵan. Án "Enekem" dep atalady.

Qyrǵyz tilindegi klıp YouTube'te birneshe akaýntta jarıalandy, bir táýliktiń ishinde jańa ándi birneshe myń adam kórdi.

Qyrǵyzstanda 2012 jyldan bastap jyl saıyn mamyrdyń úshinshi jeksenbisinde Ana kúni atap ótiledi.

Buǵan deıin qyrǵyz basshysynyń bes klıpi jaryq kórdi: "Taǵdyrmen eregis", "Sensiz ómir joq", "Ólimnen qoryqpaımyn", "Qyrǵyzstanym", "Yńǵaısyz sózder". Habarlarǵa qaraǵanda, Atambaev orys tilinde - bes án, qyrǵyz tilinde - bes án jazýdy josparlaǵan.