Zınnedın Zıdan shákirtteri sońǵy týrdaǵy oıynyn syrt alańda ótkizip, «Malagany» utty, dep habarlaıdy Qamshy aqparattyq agenttigi vesti.kz-ke silteme jasap. 

La lıgadaǵy chempıondyq ataqqa talas sońǵy týrǵa deıin saqtaldy. Mańyzdy oıynda «Real» komandasy upaıdan shashaý shyǵarmady. «Malagany» 2:0 esebimen utyp, chempıondyq ataqqa qol jetkizdi. «Koróldik klýb» sapynan Krıshtıaný Ronaldý men Karım Benzema gol soqty.

Sońǵy sátke deıin chempıondyq ataqtan úmitti bolyp kelgen «Barselona» óz alańynda «Eıbarmen» kezdesti. Katalondyq klýb birinshi taımda utylyp shyǵyp, ekinshi taım qorytyndysy boıynsha 4:2 esebimen jeńiske jetti.

«Real» óz tarıhynda 33-shi ret Ispanıa chempıony atandy. Sońǵy ret komanda bul ataqqa 2011/2012 jylǵy maýsymda qol jetkizgen edi.

Sholýshy: Aıgerim TAÝBAI