Brazılıalyqtar el prezıdenti Mıshel Temerdiń otstavkaǵa ketýin talap etip, jappaı ereýilge shyqty, dep habarlaıdy Qamshy aqparattyq agenttigi 24.kz-ke silteme jasap.
Narazylyq sherýi eldiń birneshe iri qalasynda ótken. Ásirese Rıo-de-Janeıro men San-Paýlý ortalyqtaryna myńdaǵan adam jınaldy. Halyqtyń bas kóterýine 17-shi mamyr kúni jergilikti kásipkerler, aǵaıyndy Joeslı men Ýeslı Batıstalardyń joǵarǵy sotqa tapsyrǵan úntaspasy sebep bolǵan.
Onda prezıdent Mıshel Temerdiń kásipkerlerge munaı kompanıalaryna qatysty qarjylyq quıtyrqylyqtardy eshkimge tis jarmaýy úshin parlamenttegi kishi palatanyń tóraǵasy Edýardý Kýnege iri somada para berýin suraǵan sáti jazylǵan.
Oǵan qosa polısıaǵa prezıdenttiń jaqyn keńesshisiniń biri qyrýar aqshany chemodanǵa salyp jatqany jazylǵan beınejazba túsken. Osydan soń opozısıa ókilderi parlamenttiń tómengi palatasyna prezıdentke ımpıchment jarıalaý týraly usynys jasady. Oǵan qosa joǵarǵy sot Temerdiń ústinen alaıaqtyqqa baryp, jemqorlyqqa jol berdi degen aıyptar boıynsha tergeý jóninde sheshim shyǵarǵan. Alaıda prezıdent munyń bárin joqqa shyǵaryp otyr.
Sholýshy : Aıgerim Taýbaı
