Eýrazıalyq ekonomıkalyq odaq týraly kelisimshartty júzege asyrý úshin 126 normatıvtik-quqyqtyq akti qabyldaý qajet. Onyń ishinde 56 qujat 2015 jyldyń 1 qańtaryna deıin qabyldanýy kerek. Bul týraly Reseı Federasıasy Keńesiniń tóraıymy Valentına Matvıenko QR Parlamenti Senatynyń tóraǵasy Qasym-Jomart Toqaevpen kezdesýinde aıtqan.  Bnews.kz-tiń jazýynsha RF Parlamenti joǵarǵy palatasynyń basshysy Mınskte ótken memleket basshylary samıtinde álem kartasynda áleýeti zor jáne halyqaralyq sýbektilik quqyǵy bar jańa ekonomıkalyq ıntegrasıalyq birlestik paıda bolǵanyn atap ótti. 

«Bul kelisimshart tolyqqandy jumys isteýi úshin áli de 126 normatıvtik-quqyqtyq akti qabyldanýy tıis. Onyń ishinde 56-syn 2015 jyldyń 1 qańtaryna deıin qabyldaý kerek. Bul aýqymdy jumys sondyqtan ony birlesip atqarǵan jón», - deıdi Matvıenko. 

Qamshy-aqparat