Ómir
Muń kerek dedi,
Men túnnen urladym.
Ómir
Kúlki kerek dedi,
Men kúnnen urladym.
Ómir
Sán kerek dedi,
Men gúlden urladym.
Ómir
Án kerek dedi,
Men jelden urladym.
Ómir
Úmit bop keldi,
Men tańdy atyrdym.
Ómir
Kúdik bop keldi,
Men tuńǵıyqta jatyrmyn.
Ómir
Keńeıtip edi,
Men kólge quladym.
Ómir
Taryltyp edi,
Men shólge quladym.
Ómir
Bar bolyp keldi,
Men baılyqtan óldim.
Ómir
Joq bolyp keldi,
Men kedeılik kórdim.
Ómir
Máńgilikpin dedi,
Men júzdim, sý ishtim.
Ólim
Jandy úgittedi,
Men úmit úzdim, ý ishtim.
Ómir
Túlki bop ketti,
Men tazy bop shaldym.
Ómir
Ne degen epti,
Men razy bop qaldym.
Jel ymdady,
Japyraqtar sóıleıdi.
Men tyńdadym,
Ómir
Taǵy ne deıdi?!.
Avtory: Gúlmıra Súıekenova
