QHR tóraǵasy Sı Szınpın 7-10 maýsym aralyǵynda Qazaqstanǵa kelip, Shanhaı yntymaqtastyq uıymynyń (SHYU) samıti jáne «Astana EKSPO-2017» halyqaralyq kórmesiniń ashylý saltanatyna qatysady. Bul jaıly QHR SİM resmı ókili Lý Kannyń habarlamasynda aıtylǵan, dep jazady Qamshy aqparattyq agenttigi.

 «QHR tóraǵasy Sı Szınpın 7-10 maýsym aralyǵynda memlekettik saparmen Qazaqstanǵa keledi. Ol SHYU memleket basshylarynyń 17-inshi keńesine jáne Astanadaǵy halyqaralyq mamandandyrylǵan EKSPO kórmesine qatysady», - delingen habarlamada.

8-9 maýsym kúnderi Astanada SHYU-ynyń samıti ótedi. Samıt qatysýshylary Úndistan jáne Pákistan memleketterin uıymnyń tolyq quqyqty músheligine usyný jóninde sheshim qabyldaıdy dep josparlanyp otyr.   

Sholýshy: Gúlim Jaqan