Sábıdiń jasy bir jarymǵa tolǵanda ol tátti uıqyǵa ketken. Sol sátten beri sábı 5 kúndep uıqy qushaǵynda bolady. Arasynda tek jarty saǵatqa ǵana oıanyp otyrady. Búldirshinniń derti jaıly Qamshy aqparattyq agenttigi sheteldik BAQ-qa silteme jasap jazady.
Sábıdiń esimi - Aná. Túski as ýaqytynda anasy sábıin tynyshtandyra almaǵan. Sábı rıasyz kúlkimen, qyzý oıyn ústinde bolǵan. Kenetten oryndyqta otyrǵan kúıi Aná uıyqtap ketken. Oqıǵanyń mán jaıyn sábıdiń anasy Aleksandra Matelkına baıandap berdi.
Sol uıqyǵa ketkennen Aná erteńine tańerteń de, tipti bir apta ótse de oıanbaǵan.
Qyzdary bul jaǵdaıǵa ushyraǵansha qalypty ómirin súrip júrgen baqytty bala bolǵan. Dárigerler sábıdi teksergen kezde densaýlyǵynan eshqandaı kiltıpan tappaǵan.
Aleksandranyń anasy Anıtanyń aıtýy boıynsha ertegi keıipkerleri sekildi bir mezette nemerem uıqyǵa ketti. Ony eshkim oıata almaǵan bolatyn dep málimdedi.
Aná oıanǵan kezde ata-anasy jedel járdem shaqyrtqan. Dárigerler qyzdyń jaǵdaıy bir qalypty ekenin aıtqan. Tek júrek soǵysy jıilep ketkenin habarlaǵan. Sonda da aýrýhanaǵa aparýdy jón sanaǵan.
Anasy qyzyn komaǵa túsip qaldy dep oılaǵan, biraq dárigerler qyzdyń tek uıyqtap jatqanyn aıtqan.
Birneshe kúnnen keıin Aná oıanǵan sátte ata-anasyn izdep, tamaqtanǵan. Dárigerler kezekti tekserýin júrgizgen sátte qyzdyń densaýlyǵynyń myqty ekenin jetkizdi. Sol sebepti aýrýhanadan shyǵaryp, úıine shyǵarǵan.
Kelesi tańda qyzynyń qaıta tátti uıqyda jatqanynda anasy oıata almaǵan.
Otbasynyń dál osy qalyppen ómir súrip jatqanyna jyl toldy. Ol birden oıanyp, qaıta uıyqtap qalady.
Sotnıkovtar otbasy Pervoýralsk qalasynda bir bólmeli páterde turady. Úıdiń ishi tolǵan Anányń sýretteri. Ata-anasy qyzdaryn bir saǵatqa oıanǵan kezde túsirip úlgeredi eken.
Anányń medısınalyq kitapshasynda «Gıpersomnıa» dıagnozy qoıylǵan. Dárigerler qyzdyń nege kóp uıyqtaıtynyn anyqtaı almaǵandaryn moıyndap otyr.
Basynda qyzdyń mı bóligi zaqymdanǵan dep oılaǵan. Tekserý esh nátıje bermedi. Artynsha qyzdyń júregin teksergen. Juqpaly aýrýlarǵa da tekserýler júrgizgen.
Anányń ata-anasy bilikti dárigerdiń jolyǵyp, qyzynyń jazylyp ketetinine sengennen basqa sharalary joq.
Daıyndaǵan: Aıgerim Taýbaı
