Maýsymnyń 2-de «Jastar» sport kesheninde oblys ákiminiń qatysýymen Qazaqstannyń memlekettik rámizderiniń 25 jyldyǵyna arnalǵan «Uly Dala Eliniń rámizderi jasasyn!» atty forým ótti, dep habarlaıdy Qamshy aqparattyq agenttigi oblys ákimdiginiń resmı saıtyna silteme jasap.
Forýmǵa Qaraǵandy oblysynyń qalalary men aýdandarynyń turǵyndary, eńbek ardagerleri, Qazaqstan halqy Assambleıasynyń, etnomádenı uıymdardyń ókilderi, depýtattar, qoǵam, mádenıet qaıratkerleri, stýdentterden quralǵan 3000-nan asa adam qatysty. Mereke memlekettik rámizderdiń 25 jyldyǵyn bildiretin 25 tý ustaýshylardyń qatysýymen uıymdastyrylǵan «Tý sımfonıasy» bı qoıylymymen bastaldy.
Forýmǵa qatysýshylardy oblys ákimi Erlan Qoshanov quttyqtady.
- Memlekettik rámizder árdaıym ulttyń maqtanyshy boldy jáne bolady, - dedi oblys ákimi. – Olar álemge onyń beınesin, biregeıligin, qundylyǵyn ashyp kórsetedi. Árqaısymyzdyń sanamyzda rámizder Otandy beıneleıdi.
Oblys ákimi Elbasynyń rýhanı jańǵyrý týraly aıtqan maqalasynan sóz keltirdi: «Týǵan jerge, onyń mádenıeti men salt-dástúrlerine aıryqsha ińkárlikpen atsalysý – shynaıy patrıotızmniń mańyzdy kórinisteriniń biri. Bul kez-kelgen halyqty ánsheıin birige salǵan qaýym emes, shyn mánindegi ult etetin mádenı-genetıkalyq kodtyń negizi».
Forýmǵa qatysýshylar ózderiniń sózderinde memlekettik rámizder olar úshin táýelsiz eldiń, ádilettiliktiń, gúldenýdiń jáne alǵa jyljýdyń belgisi ekenin atap aıtty.
- Men úshin bizdiń rámizder – jeńister men jetistikterdiń belgisi, - dedi «KazPlast» jáne «BekemPlast» JSHS kompanıalar tobynyń bas dırektory Sergeı Vodko. – Bizdiń ǵulama sportshylarymyz jeńiske jetkende, bizdiń týymyz kókke kótirilip, ánuranymyz shyrqaǵanda qandaı sezimde bolatyndaryn túsinemin. Bizdiń árqaısymyz maqtanysh, qýanysh jáne patrıotızm sezimderin sezinedi. Álemdik deńgeıdegi sheshimder qabyldanatyn halyqaralyq forýmdarda, sıezerde, bizdiń baıraǵymyzdyń bolýy Qazaqstnnyń pikiri de elenetininiń belgisi. Biz jáne barlyq dúnıejúzi bizdiń rámizderimizdi kórip, ádildik, beıbitshilik pen ózara túsinistikti qoldaýdaǵy pikirimiz ekenin baıqaıdy.
25 jyl buryn 1992 jyldyń 4 maýmysynda Qazaqstan Respýblıkasynyń Prezıdenti Nursultan Ábishuly Nazarbaev Táýelsiz Qazaqstannyń Memlekettik Eltańba jáne Memlekettik Tý týraly Zańdaryna qol qoıdy. Bul kún el tarıhynda Memlekettik rámizder kúni retinde saqtalyp qaldy.
Sholýshy: Gúlim Jaqan
