«Haziretti Muhammed ﷺ Paıǵambardyń «Ramazan aıynda bir jaqsylyq jasaǵan adamǵa Alla Taǵala basqa aılarda paryz isti oryndaǵannyń saýabyn beredi. Al, paryzdy oryndaǵanǵa basqa aılardyń saýabyn jazady» degen maǵynadaǵy hadısi bar. Osyndaı ıgi iske júregi úıir azamat, jeke kásipker Medet Sıkenov alǵashqy aýyzashar kezinde jańa úıge qonys aýdarýyna baılanysty óziniń qutty shańyraǵynyń kiltin Meshitke tabystady dep jazady Qamshy aqparattyq agenttigi muslim.kz-ke silteme jasaı otyryp. Bul tosyn syı jamaǵatty tántti etti.

Qur baspanany ǵana emes buryn ózderi turǵanda qoldynyp kelgen barsha buıymdaryn da meshit ıgiligine qaldyryp ketti. Baspana qujattary da resmı túrde rásimdelýde. Meshittiń bas ımamy Nazymbek Imanǵalıev:

— Bıylǵy aılardyń sultany úlken qaıyrly ispen bastaý aldy. Buryndary osy óńirge qyzmetke kelýge nıetti ımamdardyń jaǵdaılaryn jasaı almaı qınalatyn edik. Basqa aýdan meshitterinde ózimizdiń qasıetti topyraqtan shyqqan qanshama bilimdi azamattar eńbek etýde. Olar páter máseleleri oqsamaı júrgenderin aıtady. Talaı synaqtardy bastan keship júrip, aq joldan aınymaǵan Medet baýyrymyzdyń bul izgi qadamy ózge de qaltaly azamattarymyzǵa úlgi bolady degen úmittemiz. Kútpegen syıǵa óte qýanyp qaldyq. Alla  duǵamyzdy  qabyl etti" - dep,  óz rızashyldyǵyn bildirdi. 

Sholýshy: Ásel Óteshova