2017 jyldyń 7 maýsymynda «Qazmedıa ortalyǵynyń» kınokonsert zalynda Qytaı kınosy festıvaliniń ashylý saltanaty ótedi dep habarlaıdy Qamshy aqparattyq agenttigi.

 Bul sharanyń bas uıymdastyrýshylary  - «Qazaqstan» Respýblıkalyq teleradıokorporasıasy men QHR Baspasóz, baspa, radıo, kıno jáne televızıa isi jónindegi memlekettik basqarmasy.

Qytaı kınosy festıvaliniń Qazaqstandaǵy kúnderi  QR Aqparat jáne komýnıkasıa mınıstrligi men QR mádenıet jáne sport mınıstrliginiń  qoldaýymen ótedi.       Festıváldiń arnaıy qonaǵy retinde álemdik kınematografıanyń juldyzy, Qytaı akteri, kınorejısser, kınoprodúser – Djekı Chan  bolmaq.

Osy sharada  Djekı Chan kórermenderge  «Kýng-fý Ioga» atty  fılmin tartý etpek. Bul fılmde ol basty keıipker -  Djekı atty qytaı arheologyn  somdap shyqty.

Aıta ketsek, 7-18 maýsym aralyǵynda Astanada ótetin Qytaı kınosy festıvali aıasynda elordalyqtar men qala qonaqtary «İle ózeni», «Shynaıy mahabbat», «Gýlim», «Qaterli isik myrza, ketińiz», «Qasqyr totemi» syndy týyndylardy tamashalaı alady.