4 maýsymda Ulanbatyr ýaqytymen saǵat 05:50-de AQSH-tyń Florıda shtatynda ornalasqan Kennedı ǵarysh ortalyǵynan ǵaryshqa mońǵoldyń kezekti spýtnıgi ushyryldy, dep jazady Qamshy aqparattyq agenttigi montsame.mn agenttigine silteme jasap.
Spýtnıkke Gobı shóliniń sırek kezdesetin «Majalaı» aıýynyń ataýy berildi. Jospar boıynsha, apparatty SpaceX kompanıasynyń Falcon-9 zymyrany alyp ushyp, dúısenbige deıin halyqaralyq ǵarysh stansasyna jetedi.
Jer serigi ǵaryshtyq zertteýler júrgizýge, spýtnıkten túsirilgen fotosýret negizinde áldeqaıda naqtyraq geografıalyq kartalar jasaýǵa, sondaı-aq kútpegen apattardyń aldyn alýǵa kómektesedi.
«Majalaı» spýtnıgin Mońǵol memlekettik ýnıversıteti ǵalymdary men stýdentteri Kúsú japon tehnologıalyq ýnıversıtetimen birlesip jasady. Joba músheleriniń aıtýynsha, ekinshi mońǵol serigin ushyrýdy júzege asyrý 2019 jylǵa josparlanyp otyr.
