Batys Qazaqstanda er adam óz týysy bolyp keletin áıeldi eki balasynyń kózinshe zorlaǵan, - dep habarlaıdy Qamshy aqparattyq agenttigi kaz.tengrinews.kz-ke silteme jasaı otyryp.

Oqıǵa 31 mamyrǵa qaraǵan túni bolǵan, alaıda bul týraly endi ǵana anyqtalyp otyr eken.  Qarasý aýylynyń turǵyny saǵat keshki 23.00-de týysynyń úıine qonaqqa kelgen. Osy kezde úıde 1995 jylǵy qyz eki balasymen bolǵan. Qyzdyń kúıeýi, ıaǵnı ózine jaqyn týysy úıde bolmaǵanyn bilgen ol eki kishkentaı balanyń kózinshe kelinshekke qatysty seksýaldyq sıpattaǵy zorlyq áreketterin jasaǵan. Bul ýaqytta zorlanǵan kelinshektiń kúıeýi Oralda júrgen.   Qazirgi ýaqytta er adam ustalyp, endigi qylmysyn moıyndap qoıypty.

Osy derek boıynsha, QR Qylmystyq kodeksiniń 120-babynyń 1-bóligi boıynsha qylmystyq is qozǵaldy. Bul bap boıynsha kinási dáleldense, ol úsh jyldan bes jylǵa deıingi merzimge bas bostandyǵynan aıyrylýy múmkin.  Tergeý júrip jatyr.

Sholýshy: Ásel Óteshova