Úndistanda avtobýs júk kóligimen soqtyǵysyp, artynsha alapat órt shyqty dep habarlaıdy 24.kz.
Saldarynan 22 jolaýshy tirideı janyp ketken. Taǵy 19 adam jaralanyp, aýrýhanaǵa jetkizildi. Jol apaty eldiń soltústigindegi Ýttar-Pradesh shtatynda bolǵan. Oqys oqıǵa kezinde jolaýshylardyń kóbi qalyń uıqyda bolsa kerek. Dárigerlerdiń paıymdaýynsha, marqumdardyń jeke tulǵasyn anyqtaý qıynǵa soǵýy múmkin. Óıtkeni deneleri adam tanymastaı órtenip ketken.
Oqys oqıǵanyń naqty sebebi ázirge belgisiz. Aldyn ala málimet boıynsha, avtobýs joldyń qarsy betine shyǵyp ketken. Oqıǵaǵa baılanysty Úndistan premer-mınıstri marqumdardyń jaqyndaryna kóńil aıtyp, qaza bolǵandardyń otbasy men japa shekkenderge ótemaqy tólenetinin jetkizdi.
