Bul týraly Parlament Májilisinde ótken keshegi Úkimet saǵatynda aıtylǵan.  Májilistegi Úkimet saǵatyna mınıstr bolǵaly alǵash ret kelgen Qorǵanys jáne aeroǵarysh mınıstri Beıbit Atamqulov depýtattarmen tyń jańalyqtarymen bólisip, «Qazaqstan otandyq ǵarysh apparatynyń orbıtalyq toptamasyn damytýdy jalǵastyrady», degen. Onyń aıtýynsha, qazirgi tańda jerdi qashyqtyqtan zondtaý máselesi qolǵa alynyp otyr. Biraq áli de qarjy kerek.

Mınıstr óz sózinde 2019 jylǵa qaraı qolǵa alynatyn jańa joba týraly aıtqan. Geptılsiz zymyran ushyrý týraly joba quny 750 mıllıon dollardy quraıdy. «Báıterek» dep atalatyn joba «Zentıt M» esiminde jańa zymyrandar shyǵarady. Atalǵan zymyrannyń ekologıalyq zardaby óte tómen boldy. Joba iske assa 2025 jyldan bastap geptıli bar proton zymyrany ushpaıtyn bolady.

Eske salsaq, eki jyl buryn qazaq dalasynda 200 myń bastan astam kıik qyryldy. Onyń sebebin bılik túsindirip bere almasa da, mamandar kıik ólimine Baıqońyrdan ushyrylatyn zymyrandardyń áseri bar dep topshylaıdy. Qoǵamda narazylyq týyp, azamattyq belsendiler «Baıqońyr» ǵarysh aılaǵynan «Proton» zymyranyn ushyrýdy tez arada, úzildi-kesildi toqtatýdy jáne elimizdegi Reseı federasıasynyń áskerı-jattyǵý polıgonyn shuǵyl jabýdy suraǵan bolatyn.