Shvesıalyq saıahattaýshy Krıstıan Bodegren Almaty oblysy Lepsi aýylynan Kaspıı teńizine deıin bir jyl boıy júrgen. Saıahatttaýshynyń jalǵyz serigi onyń túıesi bolǵan. Bul týraly Qamshy aqparattyq agenttigi kazinform.kz-ke silteme jasap habarlaıdy.
43 jastaǵy Krıstıan Bodegren óziniń maqsatyna jetken. Onyń Jibek jolyndaǵy sońǵy aıaldamasy Aqtaý qalasy boldy.
«Bul aıtyp túsindirýge bolmaıtyn sezim. Sol jerde bolǵanyma sene alar emespin. Bul sezim meniń kózime jas keltiredi, bir jaǵynan qatty qýantady»-deıdi saıahattaýshy.
«Kaspıı teńizine jetkende osy jolǵa bir jyl ýaqyt ketkenin oıladym. Qandaı keremet esten ketpes saıahat»-deıdi ol. Osyǵan deıin shved saıahatshysy Qazaqstannyń tórt mezgilinde kórip sezine alǵanyn aıtqan. Kaspııdi kórip endi Astanaǵa barýǵa bel baılap otyr. Sonda ótetin Art Fest festıvalinde kóshpendiler týraly túsirgen fılmin kórermenge usynbaqshy.
Sholýshy: Nazerke MUSA
