Ózbekstannyń Namanǵan oblysy Chartak aýdanynyń zeınetkeri Hýsan Hodjıbaev velosıpedpen Saýd Arabıaǵa qajylyqqa attandy dep jazdy centralasian.org . Qazirgi kezde ol Buhara oblysynda jolda ketip barady.
75 jastaǵy Hýsan Hodjıbaev velosıpedpen 2 maýsymda jolǵa shyqqan. Ol 7 maýsym keshkisin nemese 8 maýsym tańerteń Túrkimenstanǵa jetýge nıetti.
Zeınetker Hodjıbaev Túrkimenstan jáne Iran arqyly ótý vızasyn almaǵan. Biraq, onyń sózderinshe, Ózbekstannyń vızasy bar, ol osymen ózge elderdiń shekarasynan óte alady.
2016 jyldyń qyrkúıeginde Hýsan Hodjıbaev velosıpedpen Samarqanǵa, eldiń tuńǵysh prezıdenti Islam Karımovtiń basyna barǵan. Zeınetker ol kezde Karımovtiń basyna quran oqý úshin 500 shaqyrym jol júrgen. Facebook qoldanýshylary sol kezde onyń saparyn «kishi qajylyqqa» teńegen.
Islam dini boıynsha Mekkege qajylyqqa barý - musylman balasynyń bes paryzynyń biri bolyp sanalady.
