Pákistandyq áıel Parvın Bıbı óz qyzyn órtep jibergeni úshin ólim jazasyna kesildi. Ol óziniń 18 jastaǵy qyzy Zınat Rafıkti ata-anasynyń batasyn almaı,  óz súıgenine turmysqa shyqqany úshin órtep jibergen.

Atalǵan oqıǵa jas jubalardyń Lahorda toılary ótkennen keıin bolǵan eken. Zınat ólerr aldynda óziniń ata-anasynyń úıinde bolǵan. Anasy men aǵasy Zınatty baılap, ústine kerosın quıyp, keıin órtep jibergen. Parvın Bıbı qyzyn órtep bolǵannan keıin, kóshege shyǵyp, otbasyn masqaralaǵan qyzyn óz qolymen óltirgenin aıtyp aıqaılaıdy.

Zınattyń kúıeýi Hassan Khan ózge ult ókili bolǵandyqtan, ata-anasymen birge búkil týysqandary qarsy bolǵan. Olar úshin ózge ult ókiline qyzdaryn berý úlken qylmys bolyp sanalady.

Aýdarǵan: Ásel Óteshova

Khannyń jergilikti telearnalardyń birine bergen suhbatynda, ata-anasy óz batasyn beretindigin, biraq ol úshin qyzdy qaıtadan úlken toı jasaý kerektigin aıtqan eken. Týystary Zınatqa eshqandaı zıandaryn tıgizbeıtinin aıtyp, ýáde bergen eken.

Zınattyń aǵasyna qylmysqa kómekteskeni úshin, ómir boıy bas bostandyǵynan aıyrý jazasy taǵaıyndalatyn boldy.