Ólilerdi emes, tirilerdi jarylqaýymyz kerek. Osylaı degen Qazaqstan Musylmandar odaǵynyń tóraǵasy Murat Telibekov Astanada qoǵam qaıratkerleri jerlenetin Ulttyq qorymnyń salynýyna qarsy shyqty dep habarlaıdy KTK arnasy. Ol bundaı qurylys salý el búdjetin ońdy-soldy shashý dep sanaıdy.
"Osyndaı jobany shyǵarǵan shendilerdi jazalaý kerek. Bul degen naǵyz qylmys. Qaramaısyńdar ma qazir kóshede myńdaǵan adam úısiz, jumyssyz júr. Aýylda ash otyrǵan balalar bar", - deıdi Qazaqstan musylmandar odaǵynyń tóraǵasy Murat Telibekov.
Shyndyǵynda el úshin qyzmet qylǵan azamat bolsa, ony ulttyq qorymǵa jerlemeı-aq esimi tarıhtan oıyp turyp oryn alatynyn aıqatn Musylmandar odaǵynyń tóraǵasy keshe ǵana taǵaıyndalǵan Astana ákimi Ádilbek Jaqsybekovke hat joldap qoıdy.
Panteonnyń qurylysy keler jyly bastalady dep josparlanǵan. Ótkende ǵana ony salý úshin qazynadan 1 mıllıard teńge bólingeni týraly aqparat shyqqan bolatyn. 10 qazanda Úkimet basshysy Kárim Másimov Aqmola oblysy men Astana qalasynyń ákimine Ultty panteonnyń ornalasatyn jerin tezdetip anyqtaýdy tapsyrǵan edi.
Qamshy-aqparat
