Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti memlekettik til saıasatyn buqaralyq aqparat quraldarynda nasıhattaý belsendiligin arttyrý maqsatynda baılanys jáne aqparat qyzmetkerleri kúnine oraı 2017 jyldyń  16 maýsymda «Memlekettik til jáne BAQ» respýblıkalyq konkýrsynyń jeńimpazdaryn saltanatty marapattaý rásimin ótkizedi.

Ótetin orny: Astana qalasy, «Qazanat» Ipodromy aýmaǵyndaornalasqan «Etnoaýyl» ulttyq-mádenı kesheni.

          Konkýrstyń erejesine sáıkes 2016 jylǵy 10 maýsym men 2017 jylǵy 5 maýsym aralyǵynda jýrnalıserdiń el aýmaǵyndaǵy buqaralyq aqparat quraldarynda jarıalanǵan memlekettik tildiń qyzmet etý aıasyn keńeıtý, mártebesin kóterý jáne qazirgi memlekettik tildiń ahýaly týraly maqalalary, efırge shyqqan habar men baǵdarlamalary «Úzdik maqala», «Úzdik telebaǵdarlama», «Úzdik radıobaǵdarlama», «Úzdik saıt maqalasy» nomınasıalary boıynsha baǵalanady.

Konkýrsqa kelip túsken materıaldardy elimizge belgili qalamger, jýrnalıserden qurylǵan arnaıy qazylar alqasy saraptap, jeńimpazdardy anyqtaıdy.

Aıta keteıik, aǵymdaǵy jyly jýrnalıser tarapynan 100-den asa materıal usynyldy.

          Marapattaý rásimi Qazaqstan Respýblıkasy Mádenıet jáne sport mınıstri Arystanbek Muhamedıulynyń quttyqtaý sózimen ashylady.
İs-sharaǵa Qazaqstan Respýblıkasy Parlamentiniń depýtattary, zıaly qaýym, buqaralyq aqparat quraldary ókilderi, konkýrstyń júldegerleri jáne t.b. qatysady. Saltanatty sharada estrada juldyzdary men dástúrli ánshiler óner kórsetedi.