Keıbir adamdardyń ádepsizdigi jaǵa ustatady. Jón-josyqsyz bireýdiń ómirine aralasyp, suraqtarmen mazalaý da keıbir adamdardyń ádetine aınalǵan.

Amerıkandyq Djeıd Húgs 23 jasta. 17 jasynda ol asqazan men ishek qurylystarynyń dertine shaldyqqandyǵy belgili boldy. Asqazan aýrýy ómir súrýge múmkindik bermegen soń ol isheginiń bir bóligin ota arqyly alyp tastaý kerek bolǵan. Sodan beri Djeıd ózimen birge kishkene qapsha ustap júrýge májbúr. Ol qapshyqqa  barlyq tamaq qaldyqtary barady. Sol arqyly ol óziniń ómirin bir qalypta ustaıdy.

«Bul ota meniń ómirimdi tolyq ózgertip jiberdi. Endi men qaıda barmasam da ózimmen birge qapshany, maılyq, oramal alyp júrýim kerk»-deıdi qyz.

Birde Djeıd baseınge shomylmaqshy bolǵan kezde qasyna beıtanys áıel kelip ishinen shyǵyp turǵan qapty kórip qyzdyń ketýin suraǵan. «Baseınge osylaı kelýge bolady dep oılaısyń ba? Balalarly qorqytasyń»-degen bóten áıel. Tipti ol qutqarýshylardy shaqyryp  Djeıdti alyp ketýdi suraǵan. Alaıda qýanyshqa oraı qutqarýshy adam Djeıdiń jaǵdaıyna túsinistikpen qaraǵan.

Sýǵa túserde Djeıd qap kórinbeıtindeı shomylý kıimin kıetin. Alaıda sol kezde óziniń denesin jaýyp turatyn kostúmi jýylyp keppeı qalǵan eken.

Djeıd: Álgi áıel meniń basymnan qandaı jaǵdaılardyń ótkenin belmedi, túsine de almaıdy. Bul qap meniń ómirimdi qalypta ustaýǵa kómektesedi. Aǵzama ınfeksıanyń kirip ketpeýin qadaǵalaıdy. Basqalardyń men týraly ne oılaıtynyna maǵan báribir»-deıdi qyz.

Jaqyn arada Djeıdke taǵy da ota jasalmaqshy. Osy oraıda adamdardyń qatigezdenip ketýi men basqalar týraly eshteńege kóz jetkizbeı jatyp kinalaýy burys qasıet ekenin aıta ketken jón.

Sholýshy: Sabına Ramazan