Pasterellezden mal jappaı qyrylyp jatqan Nura aýdanynda TJ rejimi áreket etýde, dep habarlady inform.kz.  Aýdan ákimi Nıqanbaı Omarhanovtyń málimetine sáıkes, Myńbaev aýylynyń kireberisi men shyǵaberisine kólikter men azamattar úshin zalalsyzdandyratyn tosqaýyldar belgilendi. Resmı dıagnoz ázirge anyqtalǵan joq. Aýdan ákiminiń aıtýynsha, eki basty mindet - aýrýdyń taralýyn toqtatý, ınfeksıa kózin anyqtaý.  «Myńbaev atyndaǵy aýylda 1 maýsymda buzaý aýyryp, sol kúni ólip qalǵan.

Jaǵdaı týraly aqparat birden oblysqa   jetkizildi. 2 maýsymda veterınarıalyq ınspeksıa jáne veterınarıa basqarmasy basshylarynyń jetekshiligimen mamandar keldi. Budan basqa, aýylǵa maldardy qaraý úshin veterınarlyq qyzmetten brıgada jiberildi. Qan taldaýy men patmaterıaldar zerthanada zerttelýde. Nátıjesi daıyn bolǵansha, aldyn alý retinde maldarǵa antıbıotık egilip jatyr. Sondaı-aq vetpreparattarmen, zalalsyzdandyratyn quraldarmen maldardy óńdeý jumysardy júrgizildi», - dedi aýdan basshysy N. Omarhanov.