Memlekettik organ basshysy qaramaǵyndaǵy qyzmetshisi jemqorlyqqa urynsa, qyzmetinen ketýge daıyn bolýy tıis. Bul pikirdi "KTK" telearnasynyń "Halyq qyzmetshisi" baǵdarlamasyna suhbat bergen QR Bas prokýrorynyń orynbasary Andreı Kravchenko aıtty dep habarlaıdy Nur.kz.

"Kináli bolsa da, bolmasa da qaramaǵyndaǵy qyzmetker jemqorlyqpen ustalsa, onda kez kelgen basshy óziniń otstavkaǵa ketýge daıyn ekendigin málimdeý tıis. Odan keıin sáıkesinshe, tekserý amaldary ony laýazymynan bosatý-bosatpaýdy anyqtaı jatar. Menińshe, bul - barynsha mańyzdy. Bul - memlekettiń jemqorlyqqa qarsy saıasatynyń mańyzdy bir bólshegi", - degen Bas prokýrordyń orynbasary.

"Osyndaı jaıttar oryn alǵany anyqtalsa, onda ol jarıa etilip, memlekettik qyzmetimen ol adam birden qosh aıtysady", - degen Andreı Kravchenkonyń aıtýynsha, búgingi tańda elimizde jemqorlyqqa qatysy bolǵan memlekettik qyzmetshiniń memlekettik qyzmetke qaıtyp oralýyna jol joq.

Qamshy-aqparat