Qazaqstan Respýblıkasy Ýkraınadaǵy saıası ahýaldy turaqtandyrýǵa óz septigin tıgizýdi jalǵastyryp otyr, dep habarlady QazAqparat QR SİM resmı saıtyna silteme jasap.

Bıylǵy 26 tamyzda ótken «Kedendik Odaq - Ýkraına - Eýropalyq Odaq» Mınsk samıti barysynda Prezıdent N. Á. Nazarbaevtyń aıtqan sózine sáıkes, qazirgi ýaqytta Ýkraınaǵa ekonomıkalyq jáne gýmanıtarlyq kómek kórsetýdiń keń aýqymdy baǵdarlamasyn daıyndaý men júzege asyrý múmkindikteri qarastyryp jatyr.

Sonymen qatar, áskerı áreketterdi toqtatý boıynsha kelisimderdi júzege asyrýǵa erekshe nazar aýdaratyn Ýkraınadaǵy EQYU arnaıy baqylaý mısıasynyń qyzmetin qoldaý maqsatynda Qazaqstan Respýblıkasy halyqaralyq uıymdar yqpaldastyǵy sheńberinde 40 myń AQSH dollaryn bólgen.

Qamshy-aqparat