Atyraý oblysy Isataı aýdanynda Qazaqstan Respýblıkasy  ákimshilik quqyq buzýshylyq kodeksine baılanysty is qaralǵandyǵy týraly belgili boldy.  Bul týraly Qamshy aqparattyq agenttigi  aýdandyq sottyń  baspasóz qyzmetine silteme jasap habarlaıdy.

Málimetterge súıensek, keshki namazdan keıin Isataı aýdanyndaǵy  «Zıneden ata» atyndaǵy meshitte kópshiliktiń kózinshe naıb ımamy bas ımamǵa óziniń narazylyǵyn bildirgen. Urysyp kóńil tolmaýshylyǵyn bildirgen naıb ımamnyń barlyq aıtqan sózderin bas ımam telefon kamerasyna túsirip alǵan.

Osyǵan ashýlanǵan naıb ımam odan uıaly telefonyn tartyp almaqshy bolyp, ony keýdesinen urǵan.

Meshittegi adamdar eki ımam arasyndaǵy daýdy báseńdetýge tyrysyp ekeýin ajyratqan.  Sot otyrysynda naıb ımam óziniń kinásin moıyndap bas ımamnan keshirim suraǵan. Naıb ımam sot sheshimimen ákimshilik jaýapqa tartylǵan.

Sholýshy: Nazerke MUSA