Atmosferalyq fronttardyń ótýine baılanysty turaqsyz aýa raıy saqtalady, respýblıkamyzdyń keı jerlerinde jańbyrmen naızaǵaı kútiledi, ekpindi jel soǵady, ońtústikte shańdy daýyl bolyp, burshaq jaýýy múmkin, al batysta jaýyn-shashynsyz dep habarlaıdy Qamshy aqparattyq agenttigi "Qazgıdromet" RMK silteme jasap. 
 

Jambyl, Ońtústik  Qazaqstan oblystarynyń  keı jerlerinde tańerteń jáne kúndiz jel 15-20, ekpini 23-28 m/s kúsheıip, burshaq bolýy múmkin. Aqmola, Soltústik Qazaqstan, Qaraǵandy, Shyǵys Qazaqstan  oblystarynyń keı jerlerinde jel 15-20 m/s kúsheıip, burshaq bolýy yqtımal. Pavlodar oblysynda, kúndiz Almaty oblysynyń keı jerlerinde jel 15-22 m/s kúsheıedi. Qyzylorda oblysynyń keı jerlerinde jel shańdy daýylmen 15-20 m/s kúsheıip, kúndiz burshaq bolýy múmkin. Qostanaı oblysynyń  keı jerlerinde tuman bolyp, jel 15-20 m/s kúsheıedi.

Kúndiz Qyzylorda, Ońtústik Qazaqstan, Shyǵys Qazaqstan, Qaraǵandy, Jambyl oblystarynyń keı jerlerinde óte joǵary órt qaýipi kútiledi.

Astana q: kóshpeli bultty, keı ýaqytta jańbyr jaýyp, naızaǵaı bolady. Soltústik-batystan  soqqan jel  9-14, ekpini 15-20 m/s kúsheıedi.  Aýanyń  temperatýrasy túnde +8+10°S, kúndiz +18+20°S bolady.

Almaty q: kóshpeli bultty, kúnniń ekinshi jartysynda ótkinshi jańbyr jaýady, naızaǵaı bolady. Jeldiń kúshi 0-5,  naızaǵaı kezinde ekpini 8 m/s bolady. Aýanyń temperatýrasy túnde +13+15°S, kúndiz +28+30°S bolady.