Malaızıa jasyl ekonomıkanyń ósýi boıynsha damyp kele jatqan naryqtardyń kóshbasshysy retinde óz múmkindikterin kórsetýge nıetti jáne «EKSPO-2017» Malaızıa Pavılonynyń resmı ashylýyna shaqyrdy.

Zaını Ýdjang Malaızıa Pavılony jasyl bolashaq baǵytynda árekettenýge  shabyttandyratynyna tolyq senimdi.

«Biz barsha álemdi Malaızıamen birge jasyl ekonomıkany qurýǵa shaqyramyz», - dep komısar óz sózin tolyqtyrdy.

Malaızıa Pavılony aýdany jaǵynan eń iri pavılondardyń biri (732 sharshy metr) jáne ornalasqan jeri boıynsha qolaıly. Ol Úndistan men Qytaı elderi pavılondarynyń otasynda ornalasyp, eki el arasyndaǵy baılanystyrýshy kópir qyzmetin atqaryp, ózin Azıanyń damýyndaǵy alar ornyn kórsetpek.

Óz sózinde doktor Zaını Ýdjang, kórmege daıyn ekendikterin jetkizdi.

Spıkerdiń aıtýynsha Malaızıa Pavılony jasyl ekonomıka damýyndaǵy eldiń jetistikterin kórsetetin jáne qyzyǵýshylyq tanytqan elderdiń iskerlik ortasymen baılanys ornatý alańy bolady. Sonymen qatar, qonaqtar Malaızıanyń mádenıeti jáne eldiń týrısik kórikti jerlerimen jaqynyraq tanysa alady.

«Malaızıa Pavılony eldiń halal-ónerkásibiniń damýyndaǵy jáne ıslam jasyl qarjylandyrý sektoryndaǵy dúnıe júzine tanylǵan jetistikterin kórsetedi. Malaızıanyń qarjy ınstıtýttary sharıat qaǵıdalaryna negizdelgen jasyl ınovasıany qoldaný salasyndaǵy kóshbasshy bolyp sanalady», - dedi komısar.

Malaızıa Pavılony eldiń jasyl bolashaqqa baǵytyn 5 negizgi taraýlar arqyly kórsetedi. Olar, «Ulttyń kúshin nyǵaıtý jáne ony qýattandyrý», «Ulttyq transformasıa», «Kórinisti ulǵaıta kele», «Energıa úılesimdiligi», «Malaızıanyn bıznes-ortalyǵy».

«EKSPO-2017» kórmesinde Malaızıa ókildigin energetıka, jasyl tehnologıa jáne sý resýrstary mınıstrligi basqarady. Malaızıa Pavılonynyń ıdeıasyn Malaızıanyń jasyl tehnologıalar korporasıasy «Green Tech Malaysia» júzege asyrǵan.