Nomad Way kóshpeli halyqtardyń festıvaline qatysatyn mýzykanttar Astanaǵa kelip jatyr. Olar elordalyq kórermenderdi tosynsyılarmen tańǵaldyramyz dep ýáde berdi, - dep habarlaıdy Qamshy aqparattyq agenttigi kaz.tengrinews.kz -ke silteme jasaı otyryp. Qatysýshylar festıvál qarsańynda ózderi jaıly jáne osy is-sharadan ne kútetinderi jaıly aıtyp berdi.
"Bizde etnıkalyq stıl. Barlyq ánderdi oryndaımyz, biraq barlyǵyn ulttyq aspapta oryndaımyz. Baǵdarlamamyzdyń bir bóligi jańa bolsa, ekinshi bir bóligi burynǵy halyq súıip tyńdaıtyn ánder bolady. Al sońynda biz tyńdarmandar biletin ánderdi qosyp, barlyǵyz bı bıleımiz. Kórermender raqattanatyn bolady. Bastapqyda biz tyńdarmandarymyzdy bir oıǵa salyp, olardy armandatyp, ata-babalarymyzdy eske aldyratyndaı etip baǵdarlama daıyndadyq", - "Arǵymaq" tobynyń (Bashqurtsan) solısi Rınat Ramazanov.
Condaı-aq, ol "Arǵymaq" tobynyń bul joly erekshe óner kórsetetinin aıtyp ótti. "Biz konsertterdi tolqyndarmen jáne sınýsoıdtarmen ótkizýge tyrysamyz. Sol kezde ǵana konserttiń sońynda bı bılep, rahatqa batýǵa bolady. Biz kez kelgen kópshiliktiń aldynda óner kórsetýge daıynbyz. Keıde adamdardy birdeńemen tańǵaldyrý qıynǵa soqqan jaǵdaılar da boldy. Biraq konsert sońynda sınýsoıdtar barlyǵyn bıletip, rahattandyrady. Barynsha berilip óner kórsetýge tyrysamyz", - dedi mýzykant. Sonymen qatar, mýzykant ulttyq aspaptary quraı jaıly aıtyp ótti. "Quraı - bizdiń ulttyq aspap. Biz ony "rýhanı aspap" dep ataımyz. Bul aspappen sahnaǵa shyqqan sátte biz halyqqa olarǵa jaqsy bir dúnıe jáne jarqyn sátterdi syılaǵymyz keledi", - deıdi Rınat Ramazanov. Al qazaqstandyq "Tıgrahaýd" tobynyń múshesi Danıar Jaqıanov óziniń tobynyń osy festıvál arqyly jastarǵa ata-babalaryn maqtanysh tutatyndaı sezimderdi jetkizgisi keletinin aıtty. "Bizdiń tobymyzdyń basty ereksheligi biz standart úırenshikti óleń shýmaqtaryn aıtpaımyz. Barlyǵy biletindeı qazaq halqy epostarǵa baı. Bizde kóptegen batyrlar jáne olardyń árqaısysynyń jasaǵan erligi bar. Sondyqtan da biz epostardy oryndaımyz. Belgili bir eposty zertterip, ony mýzykamen oryndap aıtamyz. Iaǵnı, bizdiń árbir óleńimiz belgili bir batyrǵa arnalady. Bizdiń basty ıdeıamyz - jastardyń qazaq halqynyń ańyzdary men epostarynyń bilýi", - deıdi "Tıgrahaýd" tobynyń solısi Danıar Jaqıanov.
"Biz barynsha daıyndalyp jatyrmyz, uzaq ýaqyt boıy jattyǵyp jatyrmyz. Ózimizdiń súıikti isimizge barymyzdy salamyz. Biraq barlyǵy kórermenderdiń qoldaýyna baılanysty. Osy sátte qandaı sezimde bolatynymyzdy qalaı aıtýǵa bolatynyn bilmeı turmyn. Bul bir ǵarysh sıaqty, ǵaryshpen bir baılanys bar", - deıdi mýzykant.
"Abbos" tobynyń ókili (Ózbekstan) Farhad Babanazarov osy festıválde tamasha óner kórsetetinderin aıtyp otyr. "Bizdiń top ózbektiń fólklorlyq ánderimen qosa sheteldik ánderdi de oryndaıdy: ózbek jáne qazaq ánderin. Ulttyq aspaptarda da oınaıdy: karnaı, sýrnaı, rýbob. Biz qazaq halqyna unaýǵa tyrysamyz. Bir jarym aı ýaqyt boıy daıyndaldyq. Jaqsy óner kórsete alamyz dep oılaımyn", - dedi Farhad Babanazarov. "Sizderde tamasha ánshilerińiz Batyr Shúkenov bar edi. Biz sonyń ánine mýzyka jazdyq, óz aspabymyzda oryndaımyz. Bizdiń ózbek ánshilerimiz ony qazaq tilinde oryndaıdy. Ol óleń mahabbat pen Otan jaıly bolady", - dedi "Abbos" tobynyń ókili. Qazirgi ýaqytta mýzykanttar konsertke daıyndalyp jatyr.
Sholýshy: Ásel Óteshova
