1998 jyly 10 maýsymda Qazaqstan astanasy Astana qalasynyń halyqaralyq tusaý keseri ótken bolatyn.  

1994 jyly 6 shildede Joǵarǵy keńes astanany Almatydan Aqmolaǵa aýystyrýǵa sheshim qabyldaǵan. Astana resmı túrde 1997 jyly 10 jeltoqsanda Aqmolaǵa aýystyryldy.

1998 jyl el astanasy ataýynyń ózgerýimen este qaldy. 6 mamyrda Nursultan Nazarbaev Aqmola qalasynyń atyn Astana dep ózgertý týraly jarlyqqa qol qoıdy. 20 mamyrda Astana qalasynyń statýsy bekitildi. Sóıtip, 10 maýsymda Qazaqstannyń jańa astanasynyń halyqaralyq tusaý keseri ótti.  

Bir jyldan keıin Astana óziniń jyldyq merekesin toılady. 1999 jyly 16 shildede IýNESKO bas hatshysy Federıko Maıor Bolıvıa astanasy La-Pasede Astanany «Beıbitshilik qalasy» konkýrsynyń jeńimpazy dep jarıalap, medal ı sertıfıkat tapsyrdy. Bul ataq áleýmettik-ekonomıkalyq, saıası jáne mádenı damýda neǵurlym qýatty ósýge, turaqty ultaralyq qatynasty ornyqtyrýǵa qol jetkize alǵan, álem mádenıetine úles qosqan jas qalalarǵa beriledi. Sodan bastap Astana «beıbitshilik qalasy» atalyp keledi.

10 maýsym Astana kúni retinde 2005 jylǵa deıin atalyp keldi. Al, 2006 jyldan bastap Astana kúni retinde astanany aýystyrý týraly sheshim qabyldanǵan 6 shilde zańmen bekitildi.