Qazaqstan prezıdenti Ispan monarhyn Aqordada qabyldady dep habarlaıdy Qamshy.kz tilshisi.
«Ispanıa Qazaqstan Táýelsizdiginiń alǵashqy jyldarynan bastap bizdiń elimizge óte jaqyn boldy. Ekonomıkalyq, mádenı yntymaqtastyq - biz Ispanıa sıaqty úlken memleketpen, onyń uly mádenıetimen jáne eki el arasyndaǵy jaqsy qarym-qatynaspen maqtanamyz. Osyndaı yntymaqtastyqty sizdiń ákeńiz - Hýan Karlospen bastaǵan bolatynbyz», - dedi Nursultan Nazarbaev.
Ispanıa Koroli VI Fılıpp óz kezeginde Nazarbaeva alǵys bildirip, Astanaǵa alǵash ret kelip otyrǵanyn aıtyp ótti. «Men osymen birneshe jylǵa sozylyp kele jatqan seriktestiktiń bir bóligi bolǵanyma maqtanamyn. Saparymnyń aıasynda Astanadaǵy osyndaı biregeı EXPO-2017 kórmesiniń ashylý saltanatyna qatysýym men úshin úlken qurmet. Sizderdi osy is-sharamen quttyqtaımyn», - dedi Ispanıa Koroli.
Qazaqstan Prezıdenti Ispanıaǵa segiz ret barǵan. Nazarbaev sońǵy ret Ispanıaǵa 2013 jyldyń aqpan aıynda barǵan.
Ispanıa koroli Fılıpp VI Astanaǵa 9 maýsym kúni keldi.
Aıta ketsek, ótken jyly sáýir aıynda Qazaqstan Prezıdenti Nursultan Nazarbaev Ispanıa koroli Fılıpp VI-ti Qazaqstanǵa saparmen kelýge, EXPO kórmesine qatysýǵa shaqyrǵan edi. Kórmede Ispanıanyń «Energıa ǵalamshar úshin» pavılony jumys isteıdi.
Aıta keteıik, EKSPO-2017 halyqaralyq kórmesiniń saltanatty ashylý rásimine 17 memleket jáne úkimet basshysymen birge mártebeli meıman ıspandyq monarh ta qatysty.
Ispanıa koroli Fılıpp VI-tiń bılikke kelgenine 19 maýsymda dál úsh jyl tolady. Ispanıa men Qazaqstan arasynda dıplomatıalyq qarym-qatynastar 1992 jyly ornady. Eki el arasyndaǵy dıplomatıalyq qatynasqa 25 jyl toldy. Ispanıa – Qazaqstannyń Eýropadaǵy negizgi saıası áriptesteriniń biri jáne Qazaqstanmen Strategıalyq áriptestik týraly shartqa (2009 j.) qol qoıǵan ekinshi eýropalyq el. 2016 jyly taýar aınalymynyń kólemi 1,35 mlrd. dollardy qurady.
Ispanıa Qazaqstannyń BUU-nyń turaqty emes músheligine kandıdatýrasyn qoldaǵan elderdiń biri.
