Ulybrıtanıanyń Quacquarelli Symonds agenttiginiń sońǵy QS reıtıńi shyqty dep habarlaıdy Qamshy.kz

Ulybrıtanıa agenttiginiń sońǵy reıtıńiniń kóshin Massachýsets tehnologıalyq ınstıtýty bastap, álemniń eń úzdik joǵary oqý orny atandy.

Atalǵan reıtıńti jasaýda joǵary oqý ornynyń tanymaldyǵy, BAQ-ta jıi kórinýi, túlekteriniń jumysqa ornalasýy, sheteldik stýdentter men oqytýshylardyń sany esepke alynady.

Reıtıńte Qazaqstannan TOP-400-ge 2 ýnıversıtet kirgen. Ál-Farabı atyndaǵy Qazaq ulttyq ýnıversıteti 236 oryndy ıelense, Gýmılev atyndaǵy Eýrazıa Ulttyq ýnıversıteti 336 oryndy, Sátbaev atyndaǵy ulttyq tehnıkalyq ýnıversıtet 410-420 arasyndaǵy orynǵa zorǵa ilingen. Abaı atyndaǵy ulttyq pedagogıkalyq ýnıversıtet 491-500 arasynda.  Aıta ketsek, QazUÝ ótken jyly atalǵan reıtıńte 275 orynda turǵan.

Al, Reseıdiń Lomonosov atyndaǵy Máskeý ýnıversıteti 95 orynǵa jaıǵasqan. TOP-400 arasynda Reseıdiń 10 ýnıversıteti bar. Túrkıa ýnıversıtetteriniń eń mańdaı aldy degeni 410-nan tómen oryndarǵa jaıǵasypty. Ystambul, Ankara, Gazı, Hajettepe sıaqty ýnıversıtetter túgeldeı 700-den tómen kórinedi.

AQSH-tyń 15 birdeı ýnıversıteti TOP-30 ýnıversıtet ishinde. TOP-30 ýnıversıtet arasynda Uly Brıtanıanyń 6 ýnıversıteti bar.

Azıadan otyzdyqqa kirgeni tórteý ǵana.  Sıngapýr ulttyq ýnıversıteti 15 orynǵa jaıǵasqan. Sıngapýrdyń taǵy bir ýnıversıteti Nanáng tehnologıalyq ýnıversıteti 11 oryndy enshilegen. Qytaıdyń Sınhýa ýnıversıteti(25) jáne Gonkong ýnıversıteti(26) ǵana kirgen.